Олон улсын эмэгтэйчүүдийн эрхийг хамгаалах өдрийг тохиолдуулан "Миний ээж хамгийн хөөрхөн" фото зургийн уралдаан, Соёлын төвөөс жил болгон уламжлал болгон зохион байгуулдаг "Ээждээ бичих захидал"-ын уралдаан, Сүүн цацал өргөх ёслол, баярын хурал, цаг үеийн нөхцөл байдалтай уялдуулан малчдадаа зориулсан хандивын тоглолтыг тус тус амжилттай болж зохион байгуулалаа.

Баярын хурал дээр шагнагдсан эмэгтэйчүүдэдээ болон фото зургийн уралдаан, захидлын уралдаанд амжилттай оролцсон хүмүүсдээ баяр хүргэе.

"Миний ээж хамгийн хөөрхөн" Фото зургийн уралдаан: 1дүгээр байр: А.Оюун, Б.Алтанхуяг-1870 оноо 2 дугаар байр: Р.Цэрэннадмид, Н.Энхсаруул-1147 оноо 3 дугаар байр: Ч.Дэлгэрмаа, Ц.Бадамсүрэн-867 оноогоор тус тус шалгарлаа

Мартын үйл ажиллагаа зохион байгуулахад хүрэлцэн ирсэн бүсгүйчүүдэдээ зориулан “Нар гэрэлтсэн бүсгүй танд илгээх нандин үг надад байна” хэмээх сайхан сургалтаар оюуны хөрөнгө оруулалт хийж, ирсэн хүмүүсээ баярын бялуу, халуун кофегоор дайлж арга хэмжээг минь чимж өгсөн ОУ-ын “Winners Academy” -ын хувь хүний хөгжлийн сургагч багш С.Энхзул /Enkhzul Sugar-ochir/ танд болон сүүн цацал өргөх ёслол болон баярын хурлыг хөтлөн зохион байгуулсан, үргэлж дэмжин ажилладаг ахмад багш П.Энхтуяа /Пийтэр Энхтуяа/ танд, мөн хамтран зохион байгуулсан хүмүүсдээ болон мэндчилгээ дэвшүүлсэн хүмүүсдээ, бидний зохион байгуулсан бүхий л үйл ажиллагаанд идэвхтэй оролцсон ард иргэд та бүхэндээ талархал илэрхийлье.

Зохион байгуулагч:

Сумын Засаг даргын Тамгын газар

Соёлын төв

Сумын Хамтарсан баг

Сумын Залуучуудын хөгжлийн салбар зөвлөл

2024.03.08