МОНГОЛ ЦЭРГИЙН БАХАРХЛЫН ӨДӨР, ОРЧИН ЦАГИЙН

ЗЭВСЭГТ ХҮЧИН ҮҮСЭН БАЙГУУЛАГДСАНЫ 102

ЖИЛИЙН ОЙН АРГА ХЭМЖЭЭ

 

             "Монгол цэргийн өдөр" Орчин цагийн Зэвсэгт хүчин хөгжсөний 102 жилийн ойг тохиолдуулан баярын хурлыг Засаг даргын Тамгын газар, Зэвсэгт хүчний 103 дугаар тусгай салбар, Соёлын төв, Ерөнхий боловсролын сургууль хамтран 2023 оны 03 дугаар сарын 18-ны өдөр зохион байгууллаа.

Хөтөлбөрийн дагуу Соёлын төвд баярын хурлаа хийлээ. Баярын хурал дээр Зэвсэгт хүчний 103 дугаар тусгай салбарын захирагч Х.Аскербек баярын хурлыг нээн  БХЯ, АЦК, Хороон захирагчийн тушаалаар шагнагдсан одон медаль, цэргийн цол, Аймгийн Засаг даргын захирамжаар шангагдсан Цэргийн алба хаагч, ажилтан алба хаагчийг шагнаж урамшуулсан. Сумын Засаг дарга О.Мөнхбат Зэвсэгт хүчний 103 дугаар тусгай салбарынхан болон хүрэлцэн ирсэн ард иргэддээ баярын мэндчилгээ дэвшүүлж үг хэллээ.

Зэвсэгт хүчний 103 дугаар тусгай салбарын ахлагч Насанбаяр ая дуугаар мэндчилгээ дэвшүүллээ. “Ая эгшгийн зургаан жигүүр” хөгжмийн уралдааны дэд байрын шагналт Х.Гантогоо дэлхийн сонгодог уран бүтээл Шубертийн “Үдшийн дуу”-г морин хуур хөгжмөөр хөгжимдөн мэндчилгээ дэвшүүллээ. 6б ангийн сурагч Ч.Ууганжаргал монгол ардын дуу “Цэнхэрлэн харагдах уулс” дууг ёочин хөгмөөр хөгжимдөж мэндчилгээ дэвшүүллээ.

Монголын  гэр бүлийг алдаршуулах төвтэй хамтран “Монголын бахархалт аав”-д 5 хүнийг тодорхойлон шагналыг гардуулж аавуудад үр хүүхдүүд болон ахан дүүс нь хүндэтгэл үзүүллээ.

Бахархалт аавд тодорхойлогдсон хүмүүс:

Зундуйн Ранжин

Намжилсүрэнгийн Баасанхүү

Чулуундуламын Чинбат

Ажваагийн Энхээ

Гончигийн Дашлхагва нар тодорхойлогдлоо.

Баярын арга хэмжээн дээр соён гэгээрүүлэх үйл ажиллагааг дэлгэрүүлэх чиглэлээр сургалтууд хийсэн. Сумын ИТХ-ын төлөөлөгч, олон улсын хувь хүний хөгжлийн “Winners” академийн мастер сургагч багш С.Энхзул “Нар хүнээс манддаг” сургалтыг хийлээ. Насан туршийн боловсролын арга зүйч Б.Пүрэвцэрэн “Эрчүүдийн манлайлал” сургалтыг зохион байгууллаа.

Соёлын төвөөс зохион байгуулсан “Аавдаа бичих захидал”-ын уралдааны дүн танилцуулж, аавд нь захидлыг нь уншиж өгч дамжуулан шагнал гардууллаа.

1-р байранд Ө.Мөнхнасангийн аавдаа бичсэн захидал шалгарлаа.

2-р байранд Гоомаралийн хадам аавдаа бичсэн захидал шалгарлаа.

Ийнхүү баярын хурлын арга хэмжээг амжилттай зохион байгууллаа.

Зэвсэгт хүчний 103 дугаар тусгай салбараас зохион байгуулсан буудлагын тэмцээнд 3 хүний бүрэлдэхүүнтэй 13 баг орсноос О.Мөнхбат ахлагчтай баг 1 дүгээр байр, Ж.Энхбат ахлагчтай баг 2 дугаар байр, П.Гансүх ахлагчтай баг 3 дугаар байр тус тус эзэллээ.

Зэвсэгт хүчний 103 дугаар тусгай салбараас зохион байгуулсан туухай өргөлтийн тэмцээнд 1-р байр А.Ган-Оргил, 2-р байр Э.Балжинням, 3-р байр Ц.Батзаяа нар тус тус эзэллээ.

Мөн сум орон нутгийн ард иргэдийн дунд үндэсний бөхийн барилдаан зохион байгуулсан. Нийт 16 бөх барилдсанаас аймгийн начин Т.Түмэнбаяр түрүүлж, аймгийн начин Б.Билэгдэмбэрэл үзүүрлэж, сумын заан М.Өсөхбаяр, сумын начин Г.Гантулга нар шөвгөрлөө.

Зэвсэгт хүчний 103 дугаар тусгай салбараас Ерөнхий боловсролын сургуулийн 6-7 дугаар ангийн сурагчдын дунд "Миний мэдэх зэвсэгт хүчин" сэдэвтэй зохион бичлэгийн уралдаан зохион байгуулснаас 6а ангийн сурагч Б.Баярцэцэг, 6а ангийн сурагч Лхам, 7а ангийн сурагч 3. Номинзул нар тус тус байр эзэлсэн.

Зэвсэгт хүчний 103 дугаар тусгай салбарын хамт олноос ивээн тэтгэж явуулсан ахлах бэлтгэл бүлгийн сурагчдын дунд зохион байгуулсан “Миний эх орон” сэдэвт гар зургийн уралдаанд 76 хүүхдийн бүтээл ирснээс 1-р байр Б.Номинсувд, 2-р байр Т.Ариунзаяа, 3-р байр Ц.Ариунжаргал нар шалгарлаа.